တစ်ယောက်တည်းသမားဖြစ်ရခြင်းရဲ့ ကောင်းကျိုး(၆)မျိုး

freepik

‘တစ်ယောက်တည်း’ လို့တွေးလိုက်တာနဲ့ လူအများစုက အထီးကျန်တယ်၊ အဖော်မဲ့တယ်၊ အားငယ်ဖို့ကောင်းတယ်၊ ပျင်းဖို့ကောင်းတယ် စတဲ့ မှတ်ချက်တွေကိုပေးတတ်ကြပါတယ်။ တကယ်တော့ တစ်ယောက်တည်းသမားဘဝဟာ ဒီလိုကောင်းကျိုးအားသာချက်တွေ အများကြီးရှိတာပါ။

ကိုယ့်စိတ်ကိုယ်ပိုင်တယ်

ကိုယ်ကြိုက်တဲ့အဝတ်အစားဝတ်မယ်၊ ကိုယ်ညှပ်ချင်တဲ့ဆံပင်ပုံစံညှပ်မယ်၊ ကိုယ်သွားချင်တဲ့ခရီးကိုသွားမယ်၊ သူငယ်ချင်းတွေနဲ့လွတ်လွတ်လပ်လပ်ချိန်းမယ်၊ ကိုယ်လုပ်သမျှအားလုံး ကိုယ့်စိတ်ကြိုက်ပဲ။ ကိုယ့်ကို လိုက်ပြီးချုပ်ချယ် ခြယ်လှယ်မယ့်သူမရှိတဲ့ဘဝမျိုးဖြစ်တယ်။

freepik

တစ်ခုခုလုပ်ဖို့အတွက်သဘောတူညီချက်တောင်းစရာမလိုဘူး

ဘာပဲလုပ်ချင်လုပ်ချင် ကိုယ့်စိတ်ကြိုက်ဆုံးဖြတ်နိုင်တယ်။ ကိုယ်လုပ်ချင်တာတွေအတွက် တစ်ယောက်ယောက်ကိုအသိပေးပြီး သဘောတူညီချက်တောင်းနေစရာမလိုဘူး။

ကိုယ့်ဝင်ငွေအားလုံးကိုယ်တစ်ယောက်တည်းသုံးလို့ရတယ်

ကိုယ်ရှာတဲ့ပိုက်ဆံကိုယ့်တစ်ယောက်တည်းလွတ်လပ်စွာသုံးနိုင်တယ်။ ကိုယ့်မိဘတွေကိုကန်တော့မလား၊ လိုချင်တဲ့အဝတ်အစားတွေ၊ အလှကုန်ပစ္စည်းတွေဝယ်မလား၊ ခရီးသွားမလား၊ စုထားမလား၊နောက်လုပ်ငန်းတစ်ခုအတွက် ရင်းနှီးမြှုပ်နှံမှာလား ကြိုက်သလိုလုပ်နိုင်တယ်။

လွတ်လပ်စွာရှင်သန်ဖို့သင်ယူနိုင်တယ်

တစ်ယောက်တည်းပဲဘဝကိုဖြတ်သန်းမယ်လို့ ရွေးချယ်ဆုံးဖြတ်ထားတဲ့အခါ ကိုယ့်အနားမှာဘယ်သူမှမရှိဘဲ အဆင်ပြေအောင်ဘယ်လိုနေမလဲ၊ တစ်ကိုယ်ရည်လိုအပ်ချက်တွေကိုဘယ်လိုဖြည့်ဆည်းမလဲ၊ အိမ်ကိုဘယ်လိုထိန်းသိမ်းမလဲ စသဖြင့် အမှီအခိုကင်းစွာဘယ်လိုရှင်သန်ရပ်တည်မလဲဆိုတာကို သင်ယူတတ်လာပါတယ်။

freepik

ကိုယ့်ကိုယ်ကိုယုံကြည်မှုပိုရှိတယ်

တစ်ယောက်တည်းဆိုတော့ အရာအားလုံးကိုယ်ပဲဖြေရှင်းရတယ်၊ ကိုယ်ပဲရင်ဆိုင်ရတယ်၊ ကိုယ့်အနောက်မှာအားပေးမယ့်သူဘယ်သူမှမရှိလည်း အရှုံးမပေးဘူး။ ဒါကြောင့် ကိုယ့်ရဲ့အစွမ်းအစ၊ ကိုယ်ရည်ကိုယ်သွေးနဲ့ပတ်သက်လို့ အပြည့်အဝယုံကြည်မှုရှိလာတယ်။

အေးဆေးတဲ့အနားယူချိန်တွေရှိတယ်

အားလပ်ချိန်တွေမှာ ကိုယ့်ကိုစိတ်အနှောက်အယှက်ပေးမယ့်အရာတွေကို အချိန်ပေးစရာမလိုဘူး၊ တစ်ယောက်တည်းအေးအေးဆေးဆေး အနားယူနိုင်တယ်။ စာအုပ်အေးဆေးဖတ်မလား၊ ရုပ်ရှင်ကြည့်မလား၊ အပြင်ထွက်ပြီး လမ်းလေးဘာလေးလျှောက်မလား အေးအေးဆေးဆေးလုပ်လို့ရတယ်။

written by PP